Umumy Angliýa laun-tennis we kroket kluby (AELTC) 2024-nji ýylyň “Uimbledon” ýaryşy üçin baýrak gaznasynyň rekord 50 mln funt sterling (59,2 mln ýewro) boljakdygyny habar berdi. Bu 2023-nji ýyldakydan 11,5% ýa-da 5,3 mln funt sterling köpdür diýip, RIA Nowosti habar berýär.
Erkekleriň we zenanlaryň arasynda ýekelikde çempion bolanlaryň her biri 2,7 mln funt sterling alarlar, bu geçen ýyldakydan 14,5% (350 müň funt sterling) köpdür.
Möwsümde üçünji “Uly tuwulga” ýaryşy bolan “Uimbledon” 1-nji iýuldan 14-nji iýul aralygynda geçer. Ýaryşyň häzirki çempionlary ispaniýaly Karlos Alkaras we çehiýaly zenan türgen Marketa Wondrouşowadyr.
