TikTok-da dowamlylygy bir sagada çenli bolan wideolary ýüklemek mümkinçiligi synagdan geçirilip başlandy. Bu barada sosial ulgamyň eýesi bolan Hytaýyň ByteDance kompaniýasyna salgylanyp, TechCrunch habar berýär.
Ýöne bu uzyn wideolary ilki ulanyjylaryň diňe belli bir böleginiň ýükläp biljekdigi bellenilýär.
Ilkibaşda TikTok-da wideonyň iň ýokary dowamlylygy 15 sekuntdy. Sosial ulgamda wagt çäginiň kem-kemden artdyrylmagynyň sebäbi YouTube bilen bäsdeşlik we adatça wideolaryny diňe bu platforma ýükleýän mazmun döredijileri platforma çekmek bilen baglanyşyklydyr.
ByteDance täze formatyň aşpezlik şoularyny döredijilere, komiklere, mugallymlara we beýleki ulanyjylara wideony mejbury böleklere bölmezlige kömek eder diýip belleýär. Şeýle-de, platformada telewizion şoularyň doly wersiýasynyň peýda bolmagyna garaşylýar.
