Hyundai kompaniýasy işlenen gazyň aýlawynyň (resirkulýasiýasynyň) klapanynyň defekti (EGR) sebäpli, 2024-nji ýylda çykan 13 müň 511 ulagyny yzyna çagyrýandygyny habar berdi. BorgWarner zawodynda toplum ýygnalanda goýberilen kemçilik gysga utgaşma getirip bilýär. Bu bolsa, öz gezeginde, hereketlendirijiniň togtamagyna sebäp bolup biler diýip, IXBT ýazýar.
Bu mesele kompaniýanyň Elantra modeliniň 7 349-syna, Venue modeliniň 2364-sine we Kona modeliniň 3798-sine degişli
Hyundai kompaniýasy mart aýynda hereketlendirijileriniň duýdansyz durup başlandygy barada habarlary alyp başlady. Jemi 14 ýagdaý hasaba alyndy. Bu ýagdaýlaryň hiç birinde hem ýol heläkçilik hadysalary, şikes almalar ýa-da ölüm ýagdaýy hasaba alynmady.
Ýol heläkçilik hadysalarynyň hasaba alynmandygyna garamazdan, Hyundai mugt abatlaýyş işlerini geçirmek üçin awtomobillerini yzyna çagyrmagy karar etdi. EGR-iň näsaz klapany bilen awtoulagy dolandyrmak howpsuz bolman biler, aýratyn hem bu ýokary tizlikde howpludyr. Kemçilikli detal täzesine çalşylyp berler.
