Halkara gatnaşyklary instituty düzme ýazmak boýunça halkara bäsleşiginiň ýeňijilerini yglan etdi

  • 03.05.2024 16:02
  • 6.9k+

Halkara ynsanperwer ylymlary we ösüş uniwersitetiniň talyby Merdan Çaryýew, Magtymguly adyndaky Türkmen döwlet uniwersitetiniň talyby Nurana Rejepgulyýewa, şeýle hem Gyrgyz Respublikasynyň DIM-niň K.Dikambaýewa adyndaky Diplomatik akademiýasynyň talyby Adeli Raimkulowa Türkmenistanyň Daşary işler ministrliginiň Halkara gatnaşyklary institutynyň «Ýer ýüzünde parahatçylygy we howpsuzlygy saklamakda halkara ynsanperwer hukugynyň orny» diýen temada düzme ýazmak boýunça geçiren halkara bäsleşiginde birinji orny eýelediler.

Bu ýokary okuw mekdebi tarapyndan Merkezi Aziýanyň ýokary okuw mekdepleriniň talyplarynyň arasynda geçirilen bäsleşikde ikinji orunlary bäsleşige gatnaşyjylaryň bäşisi eýelediler, şolaryň ikisi biziň ýokary okuw mekdeplerimiziň wekilleri – Türkmenistanyň M.Garryýew adyndaky Döwlet lukmançylyk uniwersiteti we Türkmenistanyň DIM-niň HGI-i. Baýrak eýeleriniň üçüsi bolsa – Täjik milli uniwersitetiniň, Al-Faraby adyndaky Gazak milli uniwersitetiniň hem-de Özbegistanyň Dünýä ykdysadyýeti we diplomatiýa uniwersitetiniň talyplarydyr. 
Üçünji orunlaryň 8-si Türkmen döwlet maliýe institutynyň, Türkmenistanyň Döwlet energetika institutynyň, Türkmenistanyň IIM-niň institutynyň, Magtymguly adyndaky TDU-nyň, Halkara Ynsanperwer ylymlary we ösüş uniwersitetiniň, Türkmenistanyň DIM-niň HGI-niň talyplaryna berildi. Bu tapgyrda baýrak eýesiniň biri – Täjik milli uniwersitetiniň talyby boldy. 
Bäsleşigiň netijeleri boýunça talyplaryň 30-sy höweslendiriji orunlary aldylar. 
Garaşsyz eminler tarapyndan awtorlyk işlerine baha berlende, halkara ynsanperwer hukugy ulgamyna degişli bilimler, pikiriň özboluşlylygy, işiň mazmunynyň bäsleşigiň yglan edilen temasyna laýyk gelşi hem-de beýan edilişiniň hili göz öňünde tutuldy. 
Bäsleşigiň ýeňijilerine diplomlar we ýadygärlik sowgatlary sylaglanyş dabarasynyň çäklerinde gowşurylar.
Dabara Türkmenistanyň DIM-niň HGI-nde 8-nji maýda geçiriler. 


düýn 17:42
3k+

Türkmenistanda okuwçylar üçin koreý we ýapon dilleri boýunça okuw kitaplary neşir edildi

Türkmenistanda umumybilim berýän mekdepleriniň 9-njy synplary üçin iki sany täze — «Koreý dili» we «Ýapon dili» okuw kitaplary neşir edildi. Bu işe daşary ýurt dilleriniň okadylyşyny döwrebaplaşdyrmak hem-de sanly tehnologiýalary okuw işine ornaşdyrmak boýunça maksatnamanyň çäginde badalga berildi diýip, Bilim ministrliginde habar berdiler...

düýn 17:35
1.5k+

Türkmenistanyň ýokary okuw mekdepleriniň wekilleri Astanada halkara okuw maslahatyna gatnaşdylar

9–12-nji sentýabr aralygynda Türkmenistanyň Döwlet energetika institutynyň we Ýagşygeldi Kakayew adyndaky Halkara nebit we gaz uniwersitetiniň wekillerinden ybarat topar iş sapary bilen Astana şäherinde boldy. Saparyň...

düýn 12:12
12k+

Londonyň öňdebaryjy kompaniýalarynyň biri türkmen okuwçysynyň döreden programmasy bilen gyzyklanýar

Londonda programma üpjünçiligini işläp taýýarlamak bilen meşgullanýan öňdebaryjy kompaniýalarynyň biri bolan “Junius Tech” türkmen okuwçysynyň döreden programmasy bilen gyzyklanýar. 97-nji orta mekdebiniň okuwçysy, “Kämil Bilim” merkeziniň Erjeller kompýuter bölüminiň programmirleme kurslarynyň diňleýjisi Begenç Annaorazow - Screen Guard (Ekran Goraýjysy) atly mobil goşundysyny döretdi...

13.09.2025 16:39
2.3k+

Aşgabatda oktýabrda saglygy goraýyş, bilim we sport boýunça halkara sergi geçiriler

10–12-nji oktýabr aralygynda Aşgabatda “Saglygy goraýyş, bilim we sport Berkarar döwletiň täze eýýamynyň Galkynyşy döwründe” atly halkara sergi we ylmy maslahat geçiriler. Çäreleriň guramaçylary bolup Türkmenistanyň Saglygy goraýyş we derman senagaty ministrligi, Bilim ministrligi hem-de Bedenterbiýe we sport baradaky döwlet komiteti çykyş edýär...