Wirjiniýa ştatynyň Maunt-Wernon şäherinde ABŞ-nyň ilkinji prezidenti Jorj Waşingtonyň köşgüniň durky täzelenende, arheologlar adaty bolmadyk artefakta gabat geldiler diýip, Live Science ýazýar.
Gürrüň jaýyň ýerzemininde gizlin ýerde saklanyp galan, agzy möhürlenen iki aýna çüýşe hakda barýar. Arheologlar çüýşeleriň içindäkini gözden geçirenlerinden soň, olarda bitin üljeli şerbetiň bardygyny anykladylar. Jorj Waşington we onuň aýaly Marta brendiden, ysly otlardan, şekerden we üljeden ýasalan ülje baunsy diýlip atlandyrylýan içgini diýseň gowy görer ekenler.
Arheologlaryň sözlerine görä, çüýşe gaplar 1758-nji we 1776-njy ýyllar aralygynda gömülip goýlupdyr we 250 ýyl töweregi el degrilmän saklanyp galypdyr.
