Leonardo DiKaprio Martin Skorsezeniň düşürjek baýopikinde Frank Sinatranyň keşbini oýnar

  • 21.04.2024 15:29
  • 11k+

Amerikaly meşhur režissýor Martin Skorseze täze terjimehal taslamanyň - aýdym-sazyň ikonasy Frenk Sinatranyň durmuşy baradaky filmiň üstünde işleýär diýip, Variety habar berýär.

Leonardo DiKaprio Sinatrany, onuň ikinji aýaly Awa Gardneri bolsa Jennifer Lourens oýnap biler. Aktýorlar “Ýokary seretmäň” filminde eýýäm bilelikde işlediler.
Bu Skorsezäniň Sinatra hakda film döretmekde ilkinji synanyşygy däl. 2009-njy ýylda aýdymçynyň mirasdüşerleriniň rugsady ýoklugy sebäpli taslama togtadylypdy. Şonda Sinatranyň keşbini oýnatmak üçin Jonni Depp bilen Jorj Kluni hem göz öňünde tutulypdy.
Täze wersiýa entek aýdymçynyň gyzy Tina Sinatra tarapyndan  tassyklanmady.
Skorseze şol bir wagtyň özünde başga bir uly göwrümli taslamanyň - Isa Mesih hakdaky filmiň üstünde işleýär. Bu keşp üçin ol Endrýu Garfildi (“Dymmak”, “Ynsaba görä”) ýa-da Maýlz Telleri (“Duçar bolmak”, “Top Gan: Mewerik”) göz öňünde tutýar.
Skorseziň soňky - DiKaprionyň baş keşbi janlandyran “Gül aýynyň ganhorlary” filmi 2023-nji ýylyň güýzünde prokata çykyp, “Oskar”-yň 10 baýragyna dalaşgär görkezilendigini ýatladýarys.


düýn 11:02
5.8k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

düýn 09:20
1.5k+

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

düýn 09:06
3.6k+

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...

28.11.2025 11:39
5.3k+

Variety ähli döwrüň iň gülkünç 100 komediýasyny saýlady

Variety žurnaly ähli döwrüň iň gowy 100 komediýasynyň reýtingini hödürledi. Žurnalistler sanaw düzülende filmiň klassyk bolmagyna täsir edýän faktorlary göz öňünde tutmaga çalyşdy, ýöne esasy görkeziji filmiň näderejede gülkünçdigi boldy...