Jeýms Gannyň režissýorlyk etmegindäki “Supermen” filmi dünýä prokatyna soňky sekiz ýylda DC Studios üçin iň gowy kassa ýygymlary bilen başlady diýip, The Hollywood Reporter habar berýär.
Premýera güni film, deslapky görkezişleri hasaba almazdan, 56,5 mln dollar gazandy. Deslapky görkezişlerde bolsa, film 22,5 mln dollar ýygnap, 2025-nji ýylyň rekordyny goýdy.
Duşenbe gününe çenli umumy kassa ýygymy 217 mln dollara ýetdi (ABŞ-da – 122 mln dollar, beýleki ýurtlarda – 95 mln dollar).
Filmiň önümçilik býujeti 225 mln dollar boldy.
Ýene bir uly reliz – Universal studiýasynyň “Ýura eýýamynyň dünýäsi: Galkynyş” (Мир Юрского периода: Возрождение) filmi prokatda 500 mln dollardan geçdi. KHBS-iň maglumatlaryna görä, film ABŞ-da 232 mln dollar we halkara bazarlarynda 297 mln dollar gazandy. Umumy mukdar 529 mln dollara ýetdi.
Franşizanyň täze bölümine Skarlett Ýohansson, Jonatan Beýli, Maherşala Ali we beýlekiler gatnaşdy. Režissýor hökmünde Garet Edwards (“Godzilla”) çykyş etdi.
