Redmi kompaniýasy Turbo smartfonlarynyň täze hataryny çykarar. Weibo sosial ulgamynda kompaniýa Little Tornado (“Kiçijik Tornado”) kod ady bilen Redmi Turbo 3 gurluşyny anons etdi.
Gajetiň esasy artykmaçlygy Snapdragon 8s Gen 3 prosessorynyň kömegi bilen flagman öndürijiligi bolar, şol bir wagtyň özünde ol Redmi K seriýaly smartfonlardan arzan bolar.
Smartfonyň 2024-nji ýylyň aprel aýynda Hytaýda görkezilmegine garaşylýar. Soňrak ol dünýä bazaryna hem çykar we “Gizmochina” neşiriniň çaklamagyna görä, onuň ady Poco F6 diýlip üýtgediler. Mundan başga-da, bu brend bilen ýene bir model – F6 Pro taýýarlanýar, gürrüňlere görä, ol Snapdragon 8 Gen 3 prosessorynyň doly derejeli wersiýasyny alar we maý aýynda çykar. Turbo seriýasyna ýene nähili smartfonlaryň goşuljakdygy belli däl. Ýöne Xiaomi bu hataryň gurluşlarynyň “orta aralyk öndürijilik landşaftyny üýtgetmäge” gönükdirilendigini aýtdy.
