Pakistanyň täze saýlanan Prezidenti Asif Ali Zardari Türkmenistanyň Yslamabatdaky ilçisi Atajan Möwlamow bilen duşuşykda iki ýurduň arasynda üstaşyr söwda şertnamasynyň tiz baglaşylmagyna umyt bildirdi. Bu barada Orient habar berýär.
Zardariniň belleýşi ýaly, şertnamanyň baglaşylmagy söwdany giňeltmäge, sebit gatnaşyklaryny berkitmäge we sebitdäki ykdysady işjeňligi ýokarlandyrmaga kömek eder. Şeýle-de, taraplar Pakistanyň ykdysadyýeti üçin möhüm ähmiýete eýe boljak hem-de onuň energetika zerurlyklaryny kanagatlandyrmaga mümkinçilik berjek TOPH gaz geçirijisiniň gurluşygynyň çalt tamamlanmagyna gyzyklanma bildirdiler.
Zardari Pakistanyň Türkmenistan bilen gatnaşyklaryna aýratyn ähmiýet berýändigini belledi. Ol Yslamabadyň ýokary derejede alyş-çalşygy giňeltmäge we iki ýurduň arasyndaky söwda möçberini artdyrmaga ýykgyn edýändigini aýtdy.
Prezident Türkmenistana eden saparlaryny ýatlady. 2010-njy ýylda ol TOPH sammitine gatnaşmak üçin biziň ýurdumyza geldi, 2013-nji ýylda bolsa dördünji Halkara Nowruz festiwalynyň myhmany boldy.
