Kia duran ýerinden öz-özi tigirlenmek töwekgelçiliginiň bardygy sebäpli 400 000-den gowrak Telluride wnedorožnigini yzyna çagyrýar

  • 02.04.2024 14:33
  • 20k+

Kia kompaniýasy ulagyň duralgada duran ýerinden öz-özünden tigirlenip gitmegine sebäp bolup biläýjek meselesiniň bardygy sebäpli 427 407 sany Telluride wnedorožniginiň yzyna çagyrylandygyny habar berdi diýip, ABŞ-nyň Ýol hereketiniň howpsuzlygy milli dolandyryş gullugyna (NHTSA) salgylanýan MSN habar berýär.

Aralyk walda we öňde sag tarapdaky hereketlendiriji walda bar bolan önümçilik kemçiligi awtoulag duruş düzgünine geçirilende olaryň doly ýapyşmazlygyna sebäp bolup biler. Wagtyň geçmegi bilen bu ýagdaý ulaga zeper ýetmegine we onuň öz-özi tigirlenmegine getirip biler.
Yza çagyryş 2020-2023-nji ýyllarda goýberilen Telluride modelleriniň hemmesine, şeýle-de, 2024-nji modelleriniň hem käbirlerine degişlidir.
Kia Telluride-niň eýelerine müşderilere hyzmat ediş merkezine ýa-da ýerli söwda dellallaryna ýüz tutup, ulaglarynyň yza çagyrylmaga degişlidigini ýa-da däldigini anyklamagy maslahat berdi.
Şeýle hem, ulagyň eýelerine näsazlygy duýduryjy şakyrdamak ýa-da kuwwaty peselmek ýaly alamatlara üns bermek maslahat berilýär.
Awtoulag öndürijisi sürüjileri mesele çözülýänçä el tormozyny ulanmaga çagyrýar.
Kia-nyň Amerikanyň Birleşen Ştatlaryndaky söwda dellallary programma üpjünçiligini mugt täzelemäge we ähli zeper ýeten aralyk wallary çalyşmaga borçly edildi.


04.07.2025 19:03
8.6k+

Audi we Volvo täze 2025-nji ýyl awtoulaglaryň hili boýunça düzülen reýtingde iň soňky orunlary eýelediler

J.D. Power amerikan kompaniýasy tarapyndan geçirilen 2025-nji ýylyň täze awtoulaglarynyň hil derejesi boýunça barlag dürli awtoulag brendleriniň ygtybarlylygynda uly tapawutlaryň bardygyny ýüze çykardy. Pikir soraşma 92 694 sany adam gatnaşyp, olar ulaglaryny satyn alan pursadyndan başlap, ilkinji 90 gününiň dowamyndaky ýagdaýyna baha berdiler...

25.06.2025 11:06
14k+

IIHS iň howpsuz awtoulaglary atlandyrdy. TOP 10-lygyň 9-sy Aziýa modelleri, diňe biri Mersedes

Ýol howpsuzlygy Amerikan instituty (IIHS) täzelenen Top Safety Pick+ reýtingini çykardy. Onda 2025-nji ýylyň iýun aýyna çenli ABŞ-da bar bolan iň ygtybarly ýeňil ulaglaryň sanawy ýerleşdirildi. Muňa gapdal urgulary...

21.06.2025 17:12
5.1k+

Kia 2026-njy ýylyň täzelenen K5 we K8 sedanlaryny tanyşdyrdy

Kia kompaniýasy flagman sedanlarynyň – 2026-njy ýylyň K5 we K8 modelleriniň täzelenen görnüşlerini hödürledi. Awtoulaglaryň ikisi hem täze «Best Selection» atly toplum bilen çykýar. Täze görnüş giňeldilen enjamlary bilen tapawutlanýar...

09.06.2025 19:58
6.5k+

Kia ýylpyldaýan gabara çyralary sebäpli 82 müň sany K5 2025 sedanyny yzyna çagyrýar

Kia kompaniýasy 82 281 sany K5 2025 sedanynyň yzyna çagyrylandygyny habar berdi. Sebäp - elektrik ulgamyny dolandyryş bölüminde programma üpjünçiliginiň ýalňyşlygy bilen bagly. Ulagyň öwrümi yşarat beriji çyralary ýakylanda, duruş yşyklary hem ýanyp bilýär, bu bolsa ABŞ-nyň yşyklandyryş standartlaryna laýyk gelmeýär...