Mercedes-Benz zawodlarynda adampisint robotlar işläp başlar

  • 21.03.2024 22:02
  • 13k+

Adampisint robotlar Mercedes-Benz awtoulag zawodlarynda işlemäge çagyrylar. Olar awtoulaglaryň ýygnalyşynyň hilini barlar we gurnama hatarlaryna ätiýaçlyk şaýlaryny getirerler.

Apptronik amerikan kompaniýasynyň Apollon modelli adampisint robotlary 25 kilograma çenli agram göterip bilýär. Robotyň beýikligi 170 santimetr, agramy 73 kilogram. German awtoulag öndürijisiniň ýolbaşçylary robotlar «ygtybarly işçi tapmak kynlaşýan ugur bolan fiziki taýdan talap ediji, gaýtalanýan we ýadadýan işleri ýerine ýetirerler» diýip bellediler. Emma robotlar ähli işçileriň ýerini tutup bilmez. Zawodyň öndürýän awtoulaglary meseleleriň ähli kynçylyklaryny hem çözüp bilýän birinji derejeli işçileri talap edýär diýip, Mercedes-iň önümçilik boýunça direktory Ýorg Burser aýtdy.
Mercedes-Benz önümçilikde kärhanalaryň işgärleri bilen adampisint robotlaryň arasyndaky hyzmatdaşlygy wagyz edýär. Umuman, Wengriýanyň awtoulag zawodlary adampisint robotlary işe almagyň zerur çärä öwrülendigini boýun alýarlar. Ykdysady ýagdaý sebäpli Wengriýanyň kärhanalarynyň köp işgäri Günbatar Ýewropa işlemäge gidýär.
Mercedes-Benz-iň Wengriýadaky zawodlarynda Apollon adampisint robotlarynyň ulanylmagy awtoulag pudagynda akylly androidleriň ulanylmagynyň ilkinji hadysalarynyň biridir diýip, Financial Times ýazýar. Kompaniýanyň zawodynda düşürilen wideoda işçileriň biri täze kärdeşiniň mehaniki elini gysýar.


28.08.2025 07:15
7.5k+

Mercedes-AMG GT XX 7 günde Ýeriň daşyna aýlanyp, 25 rekord goýdy

18-nji awgustdan 25-nji awgust aralygynda Mercedes-AMG GT XX-iň prototipleri 7 gün, 13 sagat, 24 minut, 7 sekuntda Italiýanyň Nardo synag ýolunda 40 075 kilometr geçdi. Bu Ýeriň daşyndan bir aýlaw etmek bilen deňdir...

26.08.2025 21:31
22k+

Taksi bolan Mercedes 2 mln km-den gowrak ýol geçipdir, ýöne Finlýandiýanyň salgyt edarasy muňa ynanmady

Ozal Germaniýada taksi hökmünde ulanylan Mercedes-Benz E-Class 2,2 mln kilometrden gowrak ýol geçip, işe ukyply ýagdaýda galdy. Häzir awtomobil Finlýandiýada diýip, “Ilta-Sanomat” neşiri ýazýar. Ulagyň eýesi – ulanylan “Mersedesleri” satmak bilen meşgullanýan 36 ýaşly işewür Wille Rýaýsýanen...

26.08.2025 16:15
8.6k+

Mercedes-Benz täze ulaglaryň önümçiligi üçin köneleri söküp başlar

Mercedes-Benz konserni Germaniýada köne awtomobilleri sökmek boýunça synag taslamasynyň işe girizilendigini habar berdi. Resmi maglumatlara görä, bu başlangyjyň maksady girdeji däl-de, daşky gurşawa ýetýän zyýanly täsiri azaltmakdyr: çig malyň bir bölegi gaýtadan işlenenden soň önümçilikde ulanylar...

19.08.2025 15:04
8.6k+

Mercedes kaşaň ulaglardan ünsi sowup, köpçülikleýin bazar üçin 36 sany täze model çykarar

Mercedes-Benz girdejileri azalandan soň strategiýasyny üýtgedýändigini mälim etdi. Handelsblatt portalynyň habar bermegine görä, kompaniýa 2027-nji ýyla çenli köpçülikleýin bazar üçin niýetlenen 36 täze awtoulag çykarmagy meýilleşdirýär...