Aşgabatda halkara gatnaşyklary we geosyýasy modelirleme boýunça olimpiada geçiriler

  • 20.03.2024 14:44
  • 3k+

Aşgabatda Türkmenistanyň Bilim ministrligi we Türkmenistanyň Daşary işler ministrliginiň Halkara gatnaşyklary instituty tarapyndan Merkezi Aziýa ýurtlarynyň we Hazarýaka döwletleriň ýokary okuw mekdepleriniň talyplarynyň arasynda halkara gatnaşyklary we geosyýasy modelirleme boýunça Halkara olimpiada geçiriler.

Olimpiadanyň esasy maksady talyplaryň halkara gatnaşyklary we geosyýasat ulgamynda intellektual başarnyklaryny we ukyplaryny ýüze çykarmakdan, degişli sebitleriň talyp ýaşlarynyň arasynda dostlukly gatnaşyklary berkitmekden, okuw-bilim tejribesini alyşmaga, ylmy-bilimleri özara bähbitli alyşmaga ýardam bermekden, häzirki zamanyň ylmy we amaly wezipelerini çözüp bilýän ýaş hünärmenleri taýýarlamakdan ybaratdyr. Ýurdumyzyň hem-de daşary ýurtlaryň ýokary okuw mekdepleriniň arasynda gatnaşyklary ýola goýmak we giňeltmek, şeýle hem Bitarap Türkmenistanyň medeni we bilim diplomatiýasyny wagyz etmek geçiriljek çäräniň esasy wezipeleriniň hatarynda durýar. 
Olimpiadany Türkmenistanyň DIM-niň HGI-de 22–25-nji maý aralygynda geçirmeklik bellenildi. Oňa gatnaşmaga döwletleriň hersinden bir mugallymyň ýolbaşçylygynda üç talyp çagyrylýar. Olimpiada aýratynlykdaky we toparlaýyn bäsleşikler görnüşinde geçiriler. Olimpiada işi üç dilde – türkmen, rus we iňlis dillerinde alnyp barlar. 
Deslapky maglumatlara görä, gatnaşjaklara halkara gatnaşyklarynda we geosyýasy modelirlemede häzirki zaman ýagdaýlar; halkara gatnaşyklaryny we halkara işlerini öwrenmekde matematikanyň we matematiki modelirlemäni ulanmagyň täze ugurlary; halkara gatnaşyklary ulgamyny öwrenmekde matematiki usulyýetleriniň ulanylyşy; halkara syýasatyny modelirlemekde täze maglumat tehnologiýalarynyň ulanylyşy; halkara ulag logistikasynda ählumumy ýagdaýlary seljermek; halkara logistikanyň sanly ulgama geçişiniň öwrenilişi; daşary syýasy seljermäniň ösüşi, bu babatda ylmy-amaly barlaglara ýardam bermek we şulara meňzeş ugurlar boýunça meseleler teklip ediler. 
Olimpiadanyň eminleriniň düzümine gatnaşyjy toparlaryň ýolbaşçylary, Türkmenistanyň hem-de daşary ýurtlaryň ylym we bilim edaralarynyň wekilleri girer. 
Olimpiadanyň ýeňijileri medallar hem-de degişli derejeli diplomlar, şeýle hem Hormat hatlary we sowgatlar bilen sylaglanarlar. 
Olimpiada barada goşmaça maglumat Türkmenistanyň DIM-niň HGI-niň saýtynda ýerleşdiriler. 


24.06.2025 00:28
3.9k+

Türkmenistanda arap diliniň fonetikasy we maglumat tehnologiýalary boýunça täze okuw kitaplary çykaryldy

Türkmen döwlet neşirýat gullugy Türkmenistanyň Bilim ministrliginiň teklibi boýunça ýurdumyzyň ýokary okuw mekdepleri we umumy bilim berýän orta mekdepleri üçin täze okuw kitaplaryny çykardy. “Arap diliniň fonetikasy”...

23.06.2025 01:32
8.9k+

Türkmenistanyň 14 sany ýokary okuw mekdepleri «THE Impact Rankings-2025» dünýä reýtinginiň sanawyna girdi

Türkmenistanyň ýokary okuw mekdepleriniň 14-si «THE Impact Rankings-2025» atly her ýyl çap edilýän täsir etmegiň ählumumy reýtinginiň ýedinji neşirinde orun aldy. Bu ýokary okuw mekdepleri «Times Higher Education (THE)» Britan guramasynyň garaşsyz halkara bilermenleriniň ykrarnamasyna eýe boldular...

20.06.2025 20:00
2.1k+

Türkmenistanda “Ýaş žurnalistiň döredijilik mekdebi” atly okuw gollanmasy neşir edildi

Ýakynda Türkmen döwlet neşirýat gullugy “Ýaş žurnalistiň döredijilik mekdebi” atly okuw gollanmasyny neşir etdi. Magtymguly adyndaky Türkmen döwlet uniwersitetiniň Žurnalistika kafedrasynyň uly mugallymy, Türkmenistanyň...

13.06.2025 17:37
7.1k+

Balkanabatda mugallymlaryň festiwaly geçirildi

Balkanabat şäherinde “Kämil mugallym – kämil nesil” atly mugallymlaryň festiwaly geçirildi. Türkmenistanyň Bilim ministrliginiň hem-de “Kämil Bilim” okuw merkeziniň bilelikde guramagynda geçirilen bu çäre ýurdumyzyň günbatar sebitiň orta mekdeplerinde bilim berýän mugallymlaryň ýüzden gowragyny bir ýere jemledi...