Dünýäniň birinji raketkasy Iga Swýontek Indian-Uellsde geçirilen WTA-1000 ýaryşynda karýerasyndaky 19-njy ýeňşi gazanyp, ýeňişli tapgyryny dowam etdirdi. Bu barada Sky Sports habar berýär.
Final oýnunda 22 ýaşly polşaly tennisçi Gresiýadan Mariýa Sakkarini 6:4, 6:0 hasabynda kynçylyksyz diýen ýaly utdy. Duşuşyk 1 sagat 9 minut dowam etdi.
Swýontek tutuş oýnuň dowamynda takyk urgulary geçirip, garşydaşyndan üstün boldy. Sakkari göreşse-de, Swýontegiň hüjümli oýnuna jogap gaýtaryp bilmedi.
Bu ýeňiş Swýontek üçin 2024-nji ýylda ikinji ýeňiş boldy. Mundan öň ol Dohadaky ýaryşda ýeňiş gazandy.
