Alymlar kosmosda ilkinji gezek 3D görnüşinde adam bedeniniň agzasyny çap etmegi başardylar. Bu ýerde dyz bogunlarynyň kekirdewügi çap edildi.
Bu synag ýakynda Halkara kosmos stansiýasynda (HKS) geçirildi. Gözlegde geçen ýyl HKS-e getirilen 3D çap enjamy ulanyldy. «Syýa» hökmünde adamyň öýjükleri we kollagen ulanyldy.
Synaga NASA-nyň kosmonawtlary Frenk Rubio, Uorren Hoburg we Stiwen Bowen, şeýle hem BAE-niň kosmonawty Sultan Al Neýadi gatnaşdy.
Kosmosda biologiki dokumalar we beýleki şepbeşik materiallar agramsyzlyk sebäpli durkuny has gowy saklaýarlar. Şonuň bilen baglylykda, olary himiki serişdeleri we ýörite enjamlary ulanmazdan ýasamak has aňsat düşýär.
Noýabr aýynda 3D çap enjamlaryny öndürýän kompaniýa derman serişdelerini işläp taýýarlamak üçin niýetlenen çeşmeleri HKS-e ibermegi meýilleşdirýär. Mundan başga-da, alymlar adam ýüreginiň bioprinti boýunça synag geçirmek isleýärler diýip, TechCrunch portaly ýazýar.
