Hindistan sentýabr aýynyň ilkinji hepdesinde Güni öwrenmek boýunça ilkinji kosmos stansiýasy — Aditya-L1-i uçurmagy meýilleşdirýär. Bu barada Hindistanyň kosmos gözlegleri guramasynyň (ISRO) ýolbaşçysy Şridhara Somanath habar berdi diýip, TASS belleýär.
“ISRO ýakyn wagtda köp sanly missiýalary meýilleşdirýär. Gönüden-göni Aditya-L1 bolar. Bu Güni öwrenmek, onuň aýtymyndaky prosesler bilen bagly missiýadyr. Raketa, ähtimal, şu gün-ertir taýýar bolar. Eger meýilnama boýunça bolsa, biz uçuryşy sentýabr aýynyň birinji hepdesine meýilleşdirýäris” – diýip, Somanath “Çandraýan-3” missiýasynyň aşak düşürilýän modulynyň Aýa üstünlikli gonuşyndan soň geçirilen metbugat konferensiýasynda aýtdy.
ISRO-nyň maglumatlaryna görä, Aditya-L1 Ýerden, takmynan, 1,5 mln km uzaklykdaky Gün – Ýer ulgamynyň Lagranža L1 nokadynyň töweregindäki galo-orbitasyna çykarylar. Bu nokatda awtomatiki stansiýa Ýere we Güne görä hereketsiz durup bilýär, bu hem Güne päsgelçiliksiz gözegçiligi üpjün edýär. Aditya-L1 missiýasynyň esasy maksady Gün aýtymyny, hromosferany we dürli spektrlerde Günüň şöhle saçyşyny öwrenmekden ybaratdyr.
