Ý.A.Gagarin adyndaky Kosmonawtlary taýýarlaýyş merkeziniň başlygynyň orunbasary, Roskosmos-yň 15-nji sentýabrda Halkara kosmos stansiýasyna (HKS) ugrajak kosmonawtlar toparynyň serkerdesi, Türkmenistanyň Gahrymany Oleg Kononenko TASS-yň bortdaky dördünji habarçysy bolar.
Kosmonawt stansiýanyň durmuşy we işi, agramsyzlyk ýagdaýynda bolup geçýän kosmos synaglary barada gürrüň berip durar. Onuň ugratjak täzeliklerini agentligiň maglumat çeşmelerinde okap bilersiňiz, suratlaryny we wideolaryny web sahypasynda we sosial ulgamlardaky resmi sahypalarda görüp bilersiňiz.
Stansiýa TASS-yň täze ýörite habarçysy bilen HKS-70-iň ekipažynyny alyp gitjek “Soýuz MS-24” kosmos gämisiniň uçurylyşy şu ýylyň 15-nji sentýabryna meýilleşdirilýär. Ekspedisiýanyň düzümine kosmonawtlar Oleg Kononenko we Nikolaý Çub, şeýle hem NASA-nyň astronawty Lorel O'Hara girer.
O'Hara Ýere 2024-nji ýylyň ýazynda "Soýuz MS-24"-de gaýdyp geler, Kononenko bilen Çubuň missiýasy bolsa 2024-nji ýylyň sentýabryna çenli dowam eder, şondan soň kosmonawtlar “Soýuz MS-25”-de Ýere gaýdyp geler. Ýyllyk ekspedisiýanyň çäginde Kononenko kosmosda 1000 günden gowrak wagt geçiren dünýäde ilkinji adam bolup biler.
