Hindistanyň “Çandraýan-3” Aý missiýasynyň gonuş moduly Aý orbitasynda pessaýlamak boýunça iň soňky hereketini etdi, Aý kosmos gözleg guramasynyň (ISRO) hünärmenleri gonulmazynyň öňüsyrasynda ulgamlary barlamaklyga girişdi. Bu barada ISRO X (öňki Twitter) sosial ulgamynda habar berdi.
"Tizligi peseltmek üçin ikinji we iň soňky hereket, orbitany 25 we 134 km belentlige düşürdi (perigeýada we apogeýada – TASS-yň belligi). Enjamyň ulgamlary işlediler we gondurylmak üçin saýlanan nokatda daň atmagyna garaşar. Gözegçilikde saklanýan gonuş 23-nji awgustda sagat 17:45-de (Aşgabat wagty bilen takmynan 17:15 – de) başlar "- diýip habarda aýdylýar.
Bu Hindistan tarapyndan Aýy öwrenmek üçin ugradylan eýýäm üçünji enjam. Birinjisi Ýeriň hemrasynyň orbitasynda işini 2009-njy ýylda tamamlady. Ikinji “Çandraýan-2” hindi Aý missiýasy 2019-njy ýylda ugradylypdy we missiýa enjamy orbita çykarmak bilen birlikde , “Wikram” modulyny gondurmagy hem göz öňünde tutýardy. Ol şowsuz tamamlanypdy, ýöne “Çandraýan-2” orbital stansiýasy Aýyň orbitasynda işlemegini dowam etdirýär.
Bu missiýa üstünlikli bolsa, Hindistan (SSSR-den, ABŞ-dan we Hytaýdan soň) Aýda kosmos gämisini gonduran dördünji ýurt bolar.
