Penşenbe güni «Ýüpek ýoly 2023» halkara rallisine badalga beriş dabarasy Kazan Kremliniň diwarlarynyň golaýyndaky Müňýyllyk meýdançasynda geçirildi.
Ýaryşa gatnaşyjylary Tatarystanyň baştutany Rustam Minnihanow garşy aldy. Ol: "Bu biziň üçin uly hormat - şu gün 21 ýurt, 93 ekipaž “ Ýüpek ýoly ”ýörişine başlaýar. Bu biziň respublikamyz üçin gaty möhümdir, respublikamyz awtoulaglaryň ýurdudyr. Bu ýerde islendik tehniki sporta uly isleg bildirilýär. Ýaryşa gatnaşyjylara, baýramçylygymyzyň myhmanlaryna sag bolsun aýdýaryn, şeýle-de, elbetde kazanlylara myhmanlarymyzy mähirli garşylandyklary üçin minnetdarlyk bildirýärin. Ýoluňyz ak bolsun!"-diýdi.
“Dakar” rallisiniň 7 gezek ýeňijisi, “Ýüpek ýoly” ýörişiniň başlygy Wladimir Çagin hem bäsleşige gatnaşyjylara goldaw sözlerini aýtdy. "Bu gün gatnaşyjylarymyz we guramaçylarymyz iň kyn ýola rowana bolýarlar. Elbetde, olar üstünlige garaşýarlar. Ýüregiňiziň ýylylygy, güýjüňiz size köp kömek eder" -diýdi.
“Ýüpek ýoly” ýörişi 2009-njy ýyldan bäri Russiýanyň çäginde geçirilýär, käbir ýyllarda ýaryşlar Merkezi Aziýanyň we Hytaý döwletleriniň çäginde geçirildi. Bu ýyl ýaryş 6-15-nji iýul aralygynda geçiriler we Moskwada tamamlanar. Ekipažlar 5230 km aralygy geçmeli bolar, şolardan 2350 km-i ýoluň ýokary tizlikli aýratyn bölegi bolar. Umuman alanyňda, 10 günüň içinde türgenler Russiýa Federasiýasynyň 13 sebitinden, üç wagt zolagyndan geçerler.
