Türkmenistanyň Prezidenti Serdar Berdimuhamedow HHR-iň öňki Başlygy Szýan Szeminiň aradan çykmagy zerarly Si Szinpine gynanç hatyny iberdi.
«Ol durmuş-ykdysady ösüşinde uly üstünlikleri gazanan maksada okgunly ýolbaşçy hökmünde hytaý halkynyň taryhyna girdi we ýurduň halkara abraýyny ýokary göterdi» diýlip, «Watan» habarlar gepleşiginde habar berildi.
Szýan Szemin çarşenbe güni, 30-njy noýabrda Şanhaýda 96 ýaşynda aradan çykdy. Ol leýkemiýadan we içki organlarynyň funksional ýetmezçiliginden ejir çekýärdi.
Szýan Szemin 1989-njy ýylyň iýunyndan 2002-nji ýylyň noýabry aralygynda HKP-niň Merkezi Komitetiniň baş sekretary, 1993-2003-nji ýyllarda bolsa HHR-iň Başlygy wezipelerini eýeledi.
