Hytaýyň smartfonlar we durmuş maksatly dürli tehnikalaryň önümçiligi bilen meşhur Xiaomi kompaniýasy dünýä bazarynyň 80%-ni eýelejek iň iri elektromobil öndürijileriň bäşligine girmek isleýär. Şereketi esaslandyryjy we onuň baş direktory Leý Szýun her ýyl batareýa bilen işleýän 10 milliondan gowrak ulagy goýbermegi meýilleşdirýändigi barada sosial torlarda ýazdy diýip, CarNewsChina habar berýär.
Xiaomi elektroulag senagatynyň derňewini geçirip, şeýle netijä geldi, ýagny bu senagat «kämillige» ýetende ählumumy önümçiligiň bäşden dördüsini aralary «brutal» bäsdeşlikli bary-ýogy bäş kompaniýa üpjün eder. Ol täze tehniki jikme-jiklikleri äşgär etmedi.
Birnäçe gün mundan öň, Xiaomi Group ýylyň üçünji çärýeginiň maliýe hasabatyny çap etdi. Gaýry zatlar bilen birlikde, onda 829 million ýuan (115,9 million dollar) möçberindäki täze maýa goýumlar hem agzalyp geçilýär. Olary kompaniýa «akylly» awtoulagy döretmegi hem öz içine alýan öz innowasion işlerine gönükdirer.
Owal Xiaomi-niň elektrokarynyň inžener prototipini şu ýylyň awgustynda aýan etjekdikleri habar berlipdi, emma ol köpçülige tanyşdyrylman galdy. Şol bir wagtda, Hytaýyň HBS-niň maglumatlaryna görä, ol gurlan eken, ýöne tanyşdyrylyş sentýabryň ahyrynda amala aşdy. Ulagyň zawod içinde MS11 diýen belgisi, 800 woltlyk arhitekturasy we 354 a.g. deň güýç gurluşy bar. Iýul aýynda peýda bolup ugran, ogrynlyk bilen düşürilen suratlardan çen tutsaň, bu sportsedan bolmaly.
