Okuw maslahaty BMG-niň Türkmenistandaky wekilhanasynyň maslahatlar zalynda 16-njy noýabrda geçirildi. Çäre ACTED «CS-GBV Central Asia» sebitleýin taslamasy bilen hyzmatdaşlykda Merkezi Aziýa we Owganystan üçin «Ýagtylyk şöhlesi» Başlangyjynyň Sebitleýin maksatnamasy tarapyndan guralyp, «gender zorlugyna garşy işjeň hereketleriň 16 günlügi» her ýylky halkara kampaniýasynyň çäklerindäki çäreleriň toplumynyň bir bölegidir.
Gyrgyzystandan tälimçi-žurnalistiň prezentasiýasy onlaýn görnüşde birbada Merkezi Aziýanyň alty şäherinde — Almatada, Bişkekde, Daşkentde, Aşgabatda, Duşenbede we Kabulda görkezildi. Soňra oflaýn sessiýa görnüşinde her ýurduň žurnalistleri her ýurt üçin uýgunlaşdyrylan temalar boýunça pikir alyşmalary geçirdiler. Türkmen žurnalistleri «Sosial kadalar we däpler» temasyny ara alyp maslahatlaşdylar.
