Geçen hepdede ABŞ-nyň Florida ştatyna baran «Ien» tupany zerarly azyndan 103 adam aradan çykdy. Bu barada sişenbe güni ABC telekompaniýasy habar berdi.
Onuň berýän maglumatlaryna görä, ýerli häkimiýetler 99 adamyň, ýene-de 4 adamyň Demirgazyk Karolina ştatyndan aradan çykandygyny habar berdiler.
Dördünji derejä eýe bolan «Ien» tupany Florida ştatynyň kenarýakasyna çarşenbe güni ýetdi. Penşenbe güni ol tropiki tupan derejesine çenli peseldi, emma soň sekuntda 33 metr tizlige ýetýän şemally birinji derejä çenli güýçlendi. Floridanyň gubernatory Ron Desantisiň aýtmagyna görä, weýrançylyklary doly dikeltmek üçin ýyllar gerek bolar. Ştatda 556 müňden gowrak adam elektrik togundan kesildi.
Ak tam ABŞ-nyň Prezidenti Jo Baýdeniň ýoldaşy Jill bilen bilelikde 5-nji oktýabrda Florida baryp görjekdigini mälim etdi.
