Argentinanyň futbol boýunça milli ýygyndysynyň hüjümçisi Lionel Messi “Barselonanyň” prezidenti Žoan Laporta bilen katalon toparyna gaýdyp barmak ähtimallygyny maslahatlaşdy. Bu barada Forbes habar berýär diýip, sport-interfax.ru belleýär.
Habar berlişi ýaly, Messi bilen Laporta şu hepde telefon arkaly habarlaşdylar we “Barselonanyň” prezidenti häzirki wagtda “Pari Sen-Žermeniň” hüjümçisinden gaýdyp gelmek mümkinçiliklerini sorady. Muňa 35 ýaşly Messi ýylyň ahyryna çenli 2022-nji ýylda Katarda geçiriljek dünýä çempionatyna üns berjekdigini, ýöne DÇ-den soň “Barselona” barada has jikme-jik gürleşmäge taýýardygyny aýdyp jogap berdi.
2021-nji ýylyň tomsunda iki tarapy-da kanagatlandyrýan täze şertnamany Ispaniýanyň futbol çempionatyndaky klublar üçin hereket edýän düzgünleri göz öňünde tutýan maliýe we gurluş häsiýetli böwetler sebäpli” baglaşmagyň mümkin bolmandygy üçin Messiniň “Barselonadan” gidýändigi habar berildi.
Şondan soň Messi “PSŽ” bilen şertnama baglaşdy.
