«PSŽ-niň» argentinaly hüjümçisi Lionel Messi Fransiýanyň çempionatynyň 8-nji tapgyrynda «Lion» bilen bolan duşuşykda (1:0), penaltileri hasaba almazdan, 672-nji goluny saldy diýip, Champions League Stats-yň "twitterinde" habar berilýär.
Argentinaly hüjümçä "Mançester Ýunaýtediň", penaltini hasaba almazdan, 671 gol salan hüjümçisi Kriştianu Ronaldudan öňe geçip, şu görkeziji boýunça rekord goýmak başartdy. Messi bu görkezijä Ronaldudan 150 duşuşyk az geçirip ýetdi.
Messi "PSŽ-niň" düzüminde 2021-nji ýyldan bäri oýnaýar. Onuň klub bilen şertnamasy 2023-nji ýyla çenli baglaşylan we ýene bir möwsüme çenli uzaldylmaga mümkinçiligi bar.
Şu möwsümde argentinaly hüjümçi ähli turnirlerde "PSŽ" üçin 10 oýunda oýnady we olarda bäş goly hem-de ýedi netijeli pasy öz hasabyna ýazdyrdy.
