2022-nji ýylyň iýuly dünýä taryhynda iň gurak we yssy aý boldy, emma Russiýa bilen Hytaýda, tersine, has ýokary çyglylyk hasaba alyndy. Bu barada Ýewropanyň Copernicus hemra we meteorologik ulgamynyň sişenbe güni ýaýradan habarynda aýdylýar.
«2022-nji ýyl dünýä möçberinde dünýä gözegçilikleriniň taryhynda iň ýyly aý, 1991-2020-nji ýyllar aralygyndaka garanda ortaça temperatura takmynan 0,4 dereje ýokary, rekord görkezen 2019-njy ýylyň görkezijilerinden biraz salkynrak we 2016-njy ýylyňkydan biraz maýylrak boldy. Demirgazyk ýarymşaryň gury ýeriniň ähli sebitleri hakykatda ortaça görkezijiden ep-esli gyzdy» - diýip, habarda bellenýär. Ýewropadaky adatdan daşary yssy ekoulgama düýpli zyýan ýetirýän gurakçylygyň we ýangynlaryň ýüze çykmagyna, haryt gytçylygynyň döremegine, puluň hümmetini gaçyrýan çökgünlige sebäp boldy we müňläp ynsan ömürleriniň tanapyny kesdi.
