Germaniýanyň çempionatynyň futbolçylarynyň arasynda ses berişlik geçirildi we onuň dowamynda dünýäniň iň gowy oýunçysyny saýlamak teklip edildi.
“Kicker-iň” habar bermegine görä, iň gowy oýunçy Mýunheniň “Bawariýasynyň” polşaly oýunçysy Robert Lewandowski boldy, oňa soraga gatnaşanlaryň 43,2 göterimi ses berdi. Ol iň ýakyn bäsdeşinden iki esse öňe geçdi diýip, www.euro-football.ru belleýär.
Pikir soraşmada ikinji orny “Liwerpulyň” lideri Mohammed Salah eýeledi, ol 20,5% ses aldy. Iň gowy oýunçylaryň üçlügini Lionel Messi jemledi.
Ýatlap geçsek, 2021-nji ýylda Messi karýerasynda ýedinji gezek “Altyn topuň” eýesi boldy. Lewandowski 33 bal yza galyp, ikinji orny eýeledi.
