Häzirki eýran senenama ýylynyň birinji ýarymynda (2020-nji ýylyň 20-nji martynda başlady) Eýrandan GDA ýurtlaryna eksportyň göwrümi 692 million dollara barabar boldy diýip, Eýranyň Söwdany ösdürmek boýunça agentliginiň Ýewropa we Amerika işleri bölüminiň ýolbaşçysy Behruz Olfat aýtdy. Muny IRNA habarlar agentligi ýetirýär.
“GDA-nyň 12 ýurdunyň arasynda Eýranyň Belarusa, Ukraina, Gazagystana, Russiýa, Täjigistana we Moldowa eksporty, degişlilikde, geçen ýylyň degişli döwrüne garanda ýokarlandy, Gruziýa, Türkmenistana, Ermenistana, Özbegistana, Gyrgyzystana we Azerbaýjan Respublikasyna eksportyň göwrümi azaldy” – diýip, Olfat belleýär.
Onuň aýtmagyna görä, şu ýylyň alty aýynda Eýranyň eksportynyň umumy göwrümi 13,566 milliard dollar boldy.
Şu ýylyň ýedi aýynda Eýranyň daşary söwdasynyň umumy göwrümi 38 milliard 278 million dollara barabar boldy. Agram nukdaýnazaryndan, daşary söwdanyň göwrümi geçen ýylyň degişli döwri bilen deňeşdirilende 17,5% azalyp, 85 million tonna barabar boldy.
