Iň gymmat häzirkizaman awtomobilleriniň reýtingi düzüldi

 «Автоновости дня» portalynyň redaksiýasy iň gymmat häzirkizaman awtomobilleriniň reýtingini düzdi, bu barada inforeactor.ru habar berýär.
Sanawyň birinji ornuny Bugatti La Voiture Noire eýeledi. Bu ulag 19 mln dollara durýar, onuň aýratynlygy başga şular ýaly ulagyň ýokdugyndan ybaratdyr. Superkar awtoöndürijiniň 110 ýyllyk ýubileýiniň şanyna döredilipdi. Bu ajaýyp awtomobiliň eýesi 2021-nji ýylda tamamlanmaly bolan ýygnama işleri ahyrlanmanka belli boldy. Model 1500 a.g kuwwatly 8 litrlik turbohereketlendirijisi bilen üpjün edilen. Ol ulaga sagatda 420 kilometre çenli bat almaga mümkinçilik berýär.
Reýtingiň ikinji setirinde britan awtomobili Rolls Royce Sweptail ýerleşdi. Model ýörite sargyt boýunça taýýarlanyldy, ulagyň eýesi 13 mln dollar töledi. Bu ulagy döretmekde esas hökmünde Rolls Royce Phantom alyndy. Bezeg işlerinde deňiz ýahtalarynyň gurluşygynda ulanylýan ýokary hilli materiallar peýdalanyldy.
Iň gymmat häzirkizaman awtomobilleriniň üçlügini Bugatti Centodieci jemleýär. Bugatti brendiniň bu eksklýuziw modeli hem kompaniýanyň 110 ýyllygynyň şanyna döredilen. Şeýle ulagdan, takmynan, 10 sanysy çykaryldy, olaryň her biriniň bahasy 9 mln dollar. Awtomobil 8 litrlik turbo-howa berijisi bilen üpjün edildi, onuň kuwwatlylygy ýarym müň “atdan” ýokary. Şonuň netijesinde awtomobil 2,5 sekundyň içinde 100 km/sag çenli bat alyp bilýär, tizligiň ýokary derejesi 380 km/sag barabar.