«Barselonanyň» hüjümçisi Lionel Messi Ispaniýanyň çempionatynda öz hasabyna ýene bir het-trigi ýazdy.
Lionel Messi «Malorka» garşy oýunda üç gol salmagy başardy we öz toparyna ýeňiş gazanmaga kömek etdi. 32 ýaşly hüjümçi üçin bu La Ligada 35-nji het-trik boldy. Şeýle ýagdaýda ol «Realyň» oýunçysy hökmünde çykyş edip, öz hasabyna 34 het-trik ýazan Kriştianu Ronaldudan öňe geçdi.
34 ýaşly portugaliýaly oýunçy madrid kluby üçin 2009-njy ýyldan 2018-nji ýyla çenli çykyş etdi.
Häzirki möwsümde Messiniň hasabynda 10 oýunda 12 gol we 5 gezek netijeli pas bar.
Messi «La Ligada» het-trikleriniň sany boýunça Ronaldunyň rekordyny täzeledi
- 09.12.2019 23:20
- 2.5k+
