2019-njy ýylyň iň meşhur duşuşygynda britan ýyldyzy rewanş etmek arkaly meksikaly garşydaşyndan titulyny yzyna almaga synanyşar.
7-sinden 8-nji dekabra geçýän gije Saud Arabystanynda uly boks agşamy geçiriler. Onda meksikaly Endi Ruiz we angliýaly Entoni Joşua 2019-njy ýylyň dowamynda eýýäm ikinji gezek ringde duşuşarlar. Olar häzirki porfi-boksda esasy dört guşagyň üçüsine eýelik etmek ugrunda bokslaşarlar.
Ýatlatsak, 1-nji iýunda olaryň birinji duşuşygynda Ruiz Joşuany 7-nji raunda nokauta gidiripdi. Şonda gazanylan garaşylmadyk netije promouterlere bu duşuşygyň rewanşyny guramaga mejbur edipdi.
Ruiz garaşylmadyk ýagdaýda üç wersiýa — WBA, WBO we IBF boýunça şol wagtky çempiony nokauta gidirip, guşaga eýe bolupdy.
Ruiz — Joşua: boks boýunça ýylyň ahyrky iň uly duşuşygy
- 05.12.2019 06:25
- 5.4k+
