Argentinaly Lionel Messi altynjy gezek «Altyn topa» eýe boldy. «Barselonanyň» hüjümçisine bu baýragy geçen ýylky ýeňiji Luka Modriç gowşurdy. Dabara Parižiň Şatle teatrynda geçirildi.
Sport žurnalistleriniň ses berlişiginde ikinji orna gollandiýaly Wirdjil wn Deýk, üçünji orna bolsa – Kriştianu Ronaldu eýe boldy.
Altynjy «Altyn top» — bu rekord görkezijidir. Şeýlelikde, Messi bu baýragyň bäşisine eýe bolan Ronaldudan öňe geçdi. Öz döwründe Mişel Platini, Ýohan Kroýf we Marko wan Basten üç «Altyn topa» eýe bolupdy.
Hünärmenler geçen möwsümiň Messi we «Barselona» üçin diýseň üstünlikli geçendigini bellediler. «Barselona» Ispaniýanyň çempionatynda ýeňiş gazandy we Çempionlar ligasynyň ýarym final tapgyryna çenli bardy. Argentinaly oýunçy topary üçin 44 duşuşyga gatnaşyp, 41 gol salmagy başardy. Ol «La Ligada» we Çempionlar ligasynda iň gowy hüjümçi adyna eýe boldy, Ýewropanyň iň gowy oýunçysy adyna eýe bolup, «Altyn butsy» baýragyny aldy.
Messi altynjy gezek «Altyn top» aldy
- 03.12.2019 06:18
- 5.8k+
