«Brent» söwda belgili nebitiň bahalary 1 %-den gowrak ýokarlanyp, ICE biržasynda barreli 62,53 dollara deň boldy. Bu barada ORIENT agentligi habar berýär.
«Praým» agentliginiň belleýşi ýaly, treýderleriň ABŞ bilen Hytaýyň arasynda söwda ylalaşygy hakynda oňyn täzeliklere garaşmagy netijesinde nebitiň bahalary gymmatlaýar. Habar beriş serişdeleriniň öňräk habar berşi ýaly, Hytaýyň Lideri Si Szinpin we ABŞ-nyň Prezidenti Donald Tramp özara gepleşiklerde oňyn netijeleri gazanandyklaryny bellediler.
Mundan başga-da, «breksiti» ylalaşmak boýunça gepleşikler hem dünýäniň ykdysady ýagdaýynyň gowulanmagyna we nebitiň bahalarynyň ýokarlanmagyna ýardam edýär. Beýik Britaniýanyň Ýewropa Bileleşiginiň düzüminde şertnamasyz çykmak mümkinçiliginiň aradan aýrylmagy nebit bazaryna belli bir derejede oňaýlylyk döretdi.
Häzir bilermenler ABŞ-nyň nebit we benzin ätiýaçlyklary hakynda çarşenbe güni maglumatlaryň neşir edilmegine garaşýarlar. Bu maglumatlar hem «gara altynyň» bahasyna düýpli täsir edip biler.
Umuman, nebit bazarynyň analitikleri «Brent» söwda belgili nebitiň bahasynyň 63 dollara çenli ýokarlanmagynyň mümkindigini belleýärler.
ABŞ bilen Hytaýyň oňyn gepleşikleri nebitiň bahalarynyň ýokarlanmagyna getirdi
- 05.11.2019 19:10
- 3.3k+
