«Kamaz awtoulaglarynyň iki müň sanysyny satyn almak hakynda üç ýyllyk şertnamany ýerine ýetirmegiň çäklerinde Türkmenistana eýýäm bu ulaglaryň 982 sanysy getirildi.Bu barada SNG.today saýty «Kamazyň» metbugat gullugyna salgylanyp habar berýär.
«KAMAZ 6520» ýük ulaglarynyň täze gelip gowşan nusgalary Ýewro-3 ülňülerine laýyk gelýän dizel ýangyjynda hereket edýär. Onuň 400 l.s. hereketlendirijisi has kuwwatly bolmak bilen çäklenmän, eýsem, eýsem, has ekologiýa we tygşytlylyk taýdan has amatly edildi. Täze tehnikalar sürüjiniň işi üçin oňaýly şertleri döredýän galmagaly peseldýän ýörite ulgam bilen enjamlaşdyryldy.
Belläp geçsek, 2008-2018-nji ýyllar aralygynda ýurdumyza «Kamaz» ýük awtomobilleriniň we ýöriteleşdirilen tehnikalarynyň 9000-den gowragy getirildi. Bu ulaglar we ýöriteleşdirilen tehnikalar halk hojalygynyň dürli pudaklarynda işjeň peýdalanylýar.
Bu kysymly ulaglara bolan ýokary islegi nazara alyp, 2008-nji ýylyň iýulynda Aşgabatda «Kamaz» okuw-serwis merkezi işläp başlady.
Türkmenistanda, mundan başga-da, Aşgabatda, Balkanabatda, Maryda we Türkmenabatda «Kamazyň» dilerlik merkezleri döredildi.
Ýatlatsak, Türkmenistanyň Prezidentiniň şu ýylyň iýun aýynda gol çeken resminamasyna laýyklykda, ýurdumyzyň ministrlikleri we pudaklaýyn edaralary tarapyndan «KAMAZ FTC CORP. LLP» (Beýik Britaniýa) kompaniýasyndan «KAMAZ» kysymly awtomobilleriň we ýörite tehnikalaryň uly tapgyry (2 müň birlik) hem-de ätiýaçlyk şaýlary tapgyrlaýyn esasda satyn alnar.
Türkmenistana ýylyň başyndan bäri «KamAZ» awtomobilleriniň 900-den gowragy getirildi
- 26.10.2019 06:26
- 3.4k+
