Aşgabatdaky «Mizan» işewürlik merkezinde Türkmenistanyň Prezidentiniň gatnaşmagynda Ahal welaýatynda gurlan täze iň döwrebap senagat toplumynyň — tebigy gazdan benzin öndürýän zawodyň açylyş dabarasynyň çäklerinde mejlis geçirildi. Mejlisde edeni çykyşynda Türkmenistanyň Prezidenti ýurduň ykdysady syýasatynyň ileri tutulýan ugurlaryny, senagat toplumynyň ösüş ugurlaryny kesgitledi.
Mejlisde şeýle hem daşary ýurtly myhmanlar — Ýaponiýanyň ykdysadyýet, söwda we senagat boýunça döwlet ministri Ýoşihiko Isozaki, Ýaponiýanyň Liberal-demokratik partiýasynyň Daşary işler boýunça müdirliginiň direktory, ýapon-türkmen parlamentara dostluk toparynyň sekretariatynyň başlygy Matsuşita Şinpei dagy çykyş etdi.
Mejlisiň çäklerinde tebigy gazdan benzin öndürýän zawoda birnäçe abraýly güwänamalar gowşuryldy.
«Guinness World Records» kompaniýasynyň resmi wekili «Dünýäde gazdan benzin öndürýän ilkinji zawod», Amerikanyň Birleşen Ştatlarynyň Daşky gurşawy goramak gaznasynyň Ýewropa sebiti boýunça utgaşdyryjysy «Ekologiýa taýdan arassa», Şweýsariýanyň Federal tehnologiýa institutynyň energetika bölüminiň müdiri Urs Waýdman «Innowasion tehnologiýa» boýunça güwänamalary we degişli nyşanlary gowşurdy.
Gazdan benzin öndürýän dünýädäki ilkinji zawod halkara güwanamalaryna eýe boldy
- 29.06.2019 14:06
- 6.4k+
