Pudagyň her ýylky iň uly Denver Gold Forum ýygnagyna gatnaşyjylardan edilen pikir soraşma olaryň altynyň unsiýasynyň (1 unsiýa - 31,1 gram) bahasynyň 1806 dollara çenli gymmatlamagyna garaşýandyklaryny görkezdi. Gürrüň 2022-nji ýylyň ahyryna çenli bahalaryň depgini barada gidýär.
Çaklanylýan baha duşenbe günündäki söwdalaşyklaryň ýapylyşyndaky derejeden 7,8% ýokary. Soňky gezek altynyň unsiýasy 1 800-den iýulyň başynda geçipdi.
Altyn boýunça bütindünýä geňeşdäki Jozef Kawatoni «geosyýasy töwekgelçilikleriň altyny her bir maýa goýumçynyň üns merkezinde saklajakdygyna» ynanýar.
Sentýabr aýynda gymmatly metalyň bahasy, esasan, 1700 dollardan gowrak boldy, ýöne geçen hepde, Federal ätiýaçlyk ulgamy çarşenbe güni göterim goýumlaryny azyndan 75 bazis punkt galdyrar umydy bilen, pese düşdi.
Puluň hümmetiniň gaçmagyny saklamak üçin pul-karz syýasatynyň bekedilmegi altyn üçin ýaramaz habar boldy, ol göterim goýumlarynyň ýokarlanmagyna we amerikan walýutasynyň kursunyň galmagyna getirdi. Bu barada Wheaton Precious Metals Corp.-yň baş ýerine ýetiriji direktory Rendi Smollwud gürrüň berdi.
NYMEX-de altynyň dekabr şertnamalary sişenbe güni söwdalaşyklaryň gidişinde 0,3% - unsiýasy 1 682,9 dollara çenli gymmatlady.
