Geely awtoöndürijisine degişli bolan Xingji Times kompaniýasy Meizu smartfon brendini resmi taýdan satyn aldy. Ol geljekki meýilnamalaryň käbirlerini aýan etdi diýip, ferra.ru habar berýär.
Indi Xingji Times kompaniýasyna Meizu-nyň paýnamalarynyň gözegçilik bukjasy – 79,09% degişli. Satyn alnandan soň Hytaýyň smartfon öndürijisiniň top-menejmenti öňküligine galar. Ýöne Xingji Times-iň wise-başlygy Şen Szýuý indi Meizu Technology-nyň hem başlygy bolar. Beýleki bir tarapdan, Huan Çžipan henizem brendiň baş direktorydyr.
Bellenilişi ýaly, Meizu öňküsi ýaly garaşsyz brend hökmünde işlär. Şeýle-de, kompaniýa 2023-nji ýylda täze flagman smartfonyny çykarmagy meýilleşdirýär. Häzirlikçe bu barada jikme-jik maglumat ýok.
