Ýewropa klublary assosiasiýasynyň agzalary täze çemeleşmäniň girizilmegine basyş etmek isleýärler, oňa laýyklykda Çempionlar ligasyna, UEFA-nyň klub sanawyndaky ýerine görä, iki topar düşer diýip, Guardian habar berýär.
Eger agzalan üýtgeşmäni durmuşa ornaşdyrmak başartsa, onda Ýewropanyň ligasy zolagynda milli çempionatlarda ýer alan ýa-da ýurduň kubogyny alan klublar has abraýly turnire düşmek üçin şol iki ygtyýarnama ugrunda dalaş ederler. Olaryň nesibesi soňky bäş möwsümiň dowamynda eden çykyşlaryna bagly bolar — sanawda hut şeýdibem hasap çykarylýar.
Iňlis neşiriniň habar berşi ýaly, reglamente üýtgeşme girizmek meselesi eýýäm ýörite iş topary tarapyndan ara alnyp maslahatlaşyldy we geljek hepde UEFA-nyň baş assambleýasynda orta goýulsa gerek.
