Fransuz aktýory Omar Si dünýäniň iň abraýly teleýaýlym festiwallaryndan biri bolan “Rose d'Or”, ýagny "Altyn gül" baýragyny alar. Bu barada The Hollywood Reporter-e salgylanyp, kinonews.ru habar berýär.
Omar Si bu baýragy fransuz ýazyjysy Mauris Leblanyň nusgawy başdan geçirmeler romanlaryndan täsirlenip düşürilen “Lýupen” seriýalynda talaňçy jentelmeniň keşbini ýerine ýetirendigi üçin alar. Geçen ýyl çykarylan bu serial Netflix üçin fransuz dilinde surata düşürilen ilkinji dünýä hiti boldy.
"Bu baýraga we siziň hemmäňiziň hormatyňyza mynasyp bolanyma buýsanýaryn" -diýip, Si belleýär.
“Altyn gül” baýragy güýmenje telewideniýesinde gazanylan üstünlik üçin berilýär. Onuň emin agzalar toparynyň düzümine halkara teleýaýlym pudagynyň ýaýlymçylary we prodýuserleri girýär.
60-njy "Altyn gül" baýraklarynyň gowşurylyş dabarasy 2021-nji ýylyň 29-njy noýabrynda göni ýaýlymda geçiriler.