Ýaponiýanyň wekili Ýui Ohasi 400 metr aralyga toplumlaýyn ýüzmekde Tokiodaky Olimpiýa oýunlarynyň altyn medalyny gazandy. Ýeňiji bu aralygy 4 minut 32,08 sekuntda geçdi.
Ikinji orny amerikan Emma Weýant (yza galyş – 0,68 sekunt), üçünji orny onuň watandaşy Hali Flikinger (+2,82) eýeledi. Türgenler bu aralygy ýüzüşiň ähli görnüşleri (100 metrden batterflýaý, arkanlygyna, bras we erkin usul) bilen geçdiler.
Ohasi 25 ýaşynda, ol Olimpiýa oýunlarynyň medalyny ilkinji gezek alýar. Onuň hasabynda dünýä çempionatynyň kümüş we bürünç medaly bar.
2016-njy ýylda üç gezek Olimpiýa çempiony we 400 metr aralyga toplumlaýyn ýüzmekde häzirki rekord eýesi wengriýaly Katinka Hossu bäşinji orny eýeledi (+3,90).
