Jokowiç 20-nji gezek “Uly tuwulga” ýaryşynda ýeňiji boldy

  • 12.07.2021 05:44
  • 4.5k+
Jokowiç 20-nji gezek “Uly tuwulga” ýaryşynda ýeňiji boldy

Serbiýaly tennisçi - dünýäniň ilkinji raketkasy Nowak Jokowiç Beýik Britaniýada geçirilen “Uly tuwulga” ýaryşynda ýeňiji boldy. Bu barada news.sportbox.ru habar berdi.

Uimbldonda geçirilen jemleýji duşuşykda serbiýaly tennisçi dünýä reýtinginde dokuzynjy orny eýelän italýan türgen Matteo Berrettiniden üstün çykdy. Titullarynyň sany boýunça garşydaşyndan has yza galýan Berrettini ilkinji seti öz peýdasyna tamamlady, ýöne Jokowiç duşuşygyň ugruny üýtgedip, yzly-yzyna üç setde ynam bilen ýeňiş gazandy. Hasap şeýle boldy: 6:7 (4:7), 6:4, 6:4, 6:3. Duşuşyk jemi 3 sagat 27 minut dowam etdi.
Şunlukda, 34 ýaşly Jokowiç “Uly tuwulga” ýaryşlarynda ýekelikde bassyr üçünji we karýerasynda 20-nji gezek ýeňiş gazandy. Umumy ýeňişleriniň sany boýunça ol ispaniýaly Rafael Nadal we şweýsariýaly Rojer Federer bilen deňleşdi.

Şeýle hem okap bilersiňiz:
Eşli Barti — Uimbldon-2021-iň ýeňijisi

Sinner Monte-Karlodaky ýaryşda Alkarasy utup, ýene-de dünýäniň birinji raketkasy boldy
14.04.2026 16:36
1.5k+

Sinner Monte-Karlodaky ýaryşda Alkarasy utup, ýene-de dünýäniň birinji raketkasy boldy

Italiýaly tennisçi Ýannik Sinner Professional tennisçiler assosiasiýasynyň (ATP) reýtinginde ýene-de birinji orny eýeledi. Täzelenen sanaw duşenbe güni guramanyň saýtynda çap edildi....

Ýannik Sinner we Arina Sobolenko Maýamidäki ýaryşyň ýeňijileri boldy
30.03.2026 20:41
2.2k+

Ýannik Sinner we Arina Sobolenko Maýamidäki ýaryşyň ýeňijileri boldy

Dünýäniň ikinji raketkasy italiýaly Ýannik Sinner ABŞ-nyň Maýami şäherinde geçirilen «Masters» ýaryşynyň finalynda çehiýaly Irži Legeçkany utdy. Ýaryşyň baýrak gaznasy 9,4 million dollardan geçýär....

Sobolenka, Dýuplantis we Alkaras sport dünýäsiniň «Oskar» baýragyna dalaş edýärler
05.03.2026 21:17
3.2k+

Sobolenka, Dýuplantis we Alkaras sport dünýäsiniň «Oskar» baýragyna dalaş edýärler

Sport dünýäsiniň «Oskary» diýlip atlandyrylýan her ýylky «Laureus» baýragyna dalaş edýänleriň atlary belli boldy. Baýragyň guramaçylyk komiteti sekiz ugur boýunça dalaşgärleriň sanawyny resmi taýdan neşir etdi...

Alkaras Australian Open-iň finalynda Jokowiçi utup, «Karýera tuwulgasynyň» iň ýaş eýesi boldy
01.02.2026 22:16
2.7k+

Alkaras Australian Open-iň finalynda Jokowiçi utup, «Karýera tuwulgasynyň» iň ýaş eýesi boldy

Ispaniýaly Karlos Alkaras möwsümiň ilkinji «Uly tuwulga» ýaryşy bolan Australian Open-iň finalynda serbiýaly Nowak Jokowiçi utdy. Duşuşyk 2:6, 6:2, 6:3, 7:5 hasabynda tamamlandy. Bu ýeňşiniň netijesinde 22 ýaşly Alkaras taryhda «Karýera Uly tuwulgasynyň» iň ýaş eýesi boldy...