Finlýandiýa ÝB-niň ýurtlary bilen öýsüzligiň soňuna çykmakda tejribesini paýlaşar

  • 09.07.2021 12:20
  • 3k+

Portugaliýada gol çekilen ylalaşykda Ýewropa Bileleşiginiň agza ýurtlary 2030-njy ýyla çenli öýsüzligiň soňuna çykmak ugrunda iş alyp barmaga borçly edildi. Şunuň bilen baglylykda, Finlýandiýa bu meselede öz tejribesini paýlaşar. Bu barada azertag.az habar berýär.

Täze ylalaşyga laýyklykda, ÝB-niň agza ýurtlary beýleki meseleler bilen bir hatarda, özara hyzmatdaşlygyň bar bolan ýörelgelerini gowulandyrmaga, şol sanda öýsüzligiň soňuna çykmagyň we ýeterlik maliýeleşdirmegi üpjün etmegiň usullaryny alyşmaga söz berýärler. Şunda Finlýandiýanyň toplan tejribesi gurama agza ýurtlarda uly gyzyklanma döredýär.
Häzirki günde bu demirgazyk döwleti Ýewropa Bileleşiginde eýýäm birnäçe ýyldan bäri öýsüzleriň sany yzygiderli azalýan ýeke-täk ýurt hasaplanýar. Finlýandiýanyň daşky gurşaw we klimat işleri boýunça ministri Kristy Mikkoneniň sözlerine görä, alnan netijeler agyr zähmeti talap etdi we häzirem şeýle bolmagynda galýar. «Biz öz işimiziň dowamynda toplanan maglumatlary we usullary paýlaşmaga şatdyrys. Meselem, ýaşaýyş jaý gurluşygy ulgamynda Finlýandiýanyň ýörelgesi eýýäm netijeli usul hökmünde ykrar edildi, biz Ýewropa Bileleşiginiň beýleki agza döwletlerini hem ondan peýdalanmaga çagyrýarys» diýip, Mikkonen belleýär.  
Ministriň sözlerine görä, Finlýandiýada öýsüzligi gönüden-göni jemgyýetiň sosial, saglyk we adamlaryň psihiki saglyk meseleleri bilen baglanyşdyrýarlar. «Ine, näme sebäpden biziň ýurdumyz eýýäm köp wagtdan bäri öýsüzligiň soňuna çykmagyň üstünde işleýär. Biz Ýewropanyň beýleki döwletleriniň hem öýsüzlige garşy göreşmek boýunça maksatlaýyn görkezijilerini ýokarlandyrandyklaryna begenýäris» diýip, ol sözüniň üstüni ýetirdi.


düýn 09:38
4.4k+

Türkmenistanda banklarda maliýe hasabatlarynyň takyklygyny seljermek üçin audit barlaglary geçiriler

Türkmenistanyň bank edaralarynda halkara standartlar esasynda ýyllyk maliýe hasabatlaryna audit barlaglaryny geçirmäge taýýarlyk görülýär. Bu barada 28-nji noýabrda wise-premýer H.Geldimyradow Hökümet mejlisiniň barşynda habar berdi...

24.11.2025 14:23
11k+

Altyn ätiýaçlygy boýunça ýurtlaryň infografikasy: Merkezi banklar ony çökgünlikden goranmak üçin ýygnaýarlar

Altyn iň ygtybarly we wagtyň synagyndan geçen gymmatly serişdeleriň biri bolmagynda galýar. Bütin dünýädäki Merkezi banklar onuň gorlaryny artdyrmagyny dowam etdirýärler, bu bolsa 2025-nji ýylda metalyň bahalarynyň rekord derejede ýokarlanmagyna getirdi...

24.11.2025 10:01
9.5k+

Türkmenistanyň 2026-njy ýyl üçin Döwlet býujetinde nämeler göz öňünde tutuldy: sanlar we maglumatlar

Türkmenistanyň Mejlisiniň ýedinji çagyrylyşynyň on birinji maslahatynda “Türkmenistanyň 2026-njy ýyl üçin Döwlet býujeti hakynda” Türkmenistanyň Kanunynyň taslamasy biragyzdan kabul edildi. Kanun 24-nji noýabrda "Türkmenistan" gazetinde çap edildi...

22.11.2025 09:59
3.8k+

Türkmenistanda wirtual aktiwleri düzgünleşdirmegiň we maýning tehnologiýasyny ornaşdyrmagyň “Ýol kartasy” taýýarlanyldy

Türkmenistanda wirtual aktiwleri düzgünleşdirmegiň we maýning tehnologiýasyny ornaşdyrmagyň 2026 — 2030-njy ýyllar üçin “Ýol kartasynyň” taslamasy işlenip taýýarlanyldy. Bu barada anna güni Hökümet mejlisinde wise-premýer H...