Chanel AirPods gulaklyklary üçin eksklýuziw daşlyklary hödürledi

  • 05.07.2021 14:34
  • 3k+

Chanel fransuz öýi AirPods simsiz gulaklyklary üçin brend daşlyklaryny hödürledi. Täze önümiň suraty moda öýüniň saýtynda peýda boldy diýip, Day.Az habar berýär.

Aksessuarlar polimerden gara we goňras reňklerde ýasalyp, brendiň logotipi bilen bezelipdir. Olary boýnuňdan asgyç hökmünde hem ulanmak bolýar, sebäbi olaryň dürlerden düzülen sapagy bar.
Mundan başga-da, gulaklyklar üçin metal reňkde deriden taýýarlanan daşlyk bar. Ol hem altyn Chanel logotipli zynjyr bilen gelýär. 
Gulaklyklaryň hemişe el ýüzünde bolmagy üçin, brend ýörite özboluşly dür monjugyny hem döretdi. Bu monjuga gulaklyklaryň özüni berkitmek bolýar.
Brend aksessuarlarynyň bahasynyň 1650 dollardan başlap, 2675 dollara ýetýändigi bellenilýär.

düýn 11:00
1.3k+

HP-de 6000 işgär emeli aňyň ornaşdyrylmagy sebäpli işini ýitirer

HP kompaniýasy işleri has netijeli etmek we emeli aňy ornaşdyrmak boýunça meýilnamanyň çäklerinde 2028-nji maliýe ýylyna çenli tutuş dünýä boýunça 4000-den 6000-e çenli iş ornuny azaltmagy meýilleşdirýär. Bu barada kompaniýanyň habarynda aýdylýar...

27.11.2025 23:29
2.1k+

LG Electronics ýolbaşçy düzüminiň üýtgeşmelerini yglan etdi

Günorta Koreýanyň LG Electronics kompaniýasy ýolbaşçy düzüminde uly üýtgeşmeleriň bolandygyny, şol sanda täze baş direktoryň bellenendigini mälim etdi. 1-nji dekabrdan başlap, bu wezipäni häzirki wagtda LG-niň Öý Tehnikasy we Çözgütleri bölümine ýolbaşçylyk edýän hem-de kompaniýanyň maglumatyna görä, amallaryň durnukly ösüşine ýeten Rýu Çže-çhol eýelär...

27.11.2025 23:20
5.1k+

Google-yň egindeş esaslandyryjysy Sergeý Brin dünýäniň iň baý adamlarynyň üçlügine girdi

Google kompaniýasyny esaslandyryjylaryň biri bolan Sergeý Brin 245 mlrd dollar baýlygy bilen dünýäniň iň baý adamlarynyň ilkinji üçlügine girdi. Forbes neşiriniň hasaplamalary boýunça, ol Oracle-yň egindeş esaslandyryjysy Larri Ellisondan öňe geçdi...

27.11.2025 23:12
3.2k+

Puma-nyň paýnamalary kompaniýanyň satylyp bilinjekdigi baradaky habardan soň 17% ýokarlandy

Puma-nyň paýnamalary kompaniýanyň Hytaýyň sport aýakgaplaryny, egin-eşikleri we esbaplary öndürijisi Anta Sport tarapyndan satyn alnyp bilinjekdigi baradaky habardan soň ýokarlandy. Mümkin bolan şertnama baradaky maglumat 27-nji noýabrda Frankfurt-na-Maýndaky XETRA biržasynda paýnamalaryň 17,4% ýokarlanyp, iň ýokary derejesinde 19,965 ýewro ýetmegine getirdi...