“Ewertonyň” baş tälimçisi Karlo Ançelotti Madridiň “Realyna” ýolbaşçy boldy.
“Karlo Ançelotti geljek üç möwsümiň dowamynda esasy toparyň täze tälimçisi bolar” – diýip, “Realyň” metbugat gullugy habar berýär. Muny championat.com ýetirýär.
Ançelotti 2013-nji ýyldan 2015-nji ýyl aralygynda “Reala” tälimçilik etdi. Klubdaky ilkinji möwsüminde ol “Realy” taryhynda 10-njy we 2002-nji ýyldan bäri ilkinji bolan Çempionlar ligasynda ýeňşe getirdi. Topardan gidenden soň, Karlo “Bawariýa” we “Napoli” toparlaryna ýolbaşçylyk etdi, 2019-njy ýylda bolsa “Ewertona” geldi.
Geçen möwsümde “Real” Ispaniýanyň Premýerasynyň turnir sanawynda diňe “Atletiko” ýol berip, ikinji orny eýeledi. Topar 38 oýunda 84 utuk gazandy we soňky tapgyra çenli çempionlyga dalaşgär boldy, ýöne aýgytly oýunda Madridiň “Atletikosy” ýeňiş gazanyp, tituly elden bermedi. Çempionlar ligasynda “Real” ýarym finala çykdy we netijede baýragyň eýesi bolan “Çelsiden” utuldy. Ispaniýanyň kubogyndan madridliler 1/16 final tapgyrynda çykdylar.