Angliýanyň Brand Finance konsalting kompaniýasy dünýäniň iň gymmat futbol brendleriniň reýtingini neşir etdi.
Sport24.ru saýtynyň habar bermegine görä, geçen ýylda bolşy ýaly, sanawda birinji orny «Real» eýeledi. Şol bir wagtda klubuň brendiniň bahasy 1,572 mlrd dollardan 1,499 mlrd dollara çenli peseldi. Reýtingde ikinji orny katalon «Barselonasy» saklap galdy, brendiň bahasy 1,487 mlrd dollar. Üçünji orunda — «Mançester Ýunaýted» (1,327 mlrd).
«Liwerpul» dördünji orundan altynjy orna düşdi.
Dünýäniň iň gymmat futbol klublarynyň 10-lugy şundan ybarat:
- «Real» (1,499 mlrd dollar)
- «Barselona» (1,487 mlrd)
- «Mançester Ýunaýted» (1,327 mlrd)
- «Mançester Siti» (1,313 mlrd)
- «Bawariýa» (1,255 mlrd)
- «Liwerpul» (1,143 mlrd)
- «PSŽ» (1,042 mlrd)
- «Çelsi» (904 mln)
- «Tottenhem» (849 mln)
- «Arsenal» (792 mln)
