Madridde geçirilen WTA 1000 ýaryşynda belarusly tennisçi Arina Sobolenko ýeňiji boldy. Şunlukda, ol öz karýeradaky 10-njy titulyny eýeledi.
Final oýnundaky birinji setde Sobolenko dünýäniň birinji raketkasy Eşli Bartini hiç hili mümkinçilik galdyrman, 6:0 hasabynda ýeňdi. Awstraliýaly tennis ussady 2017-nji ýylyň awgust aýyndan bäri ilkinji gezek 0:6 hasabynda utuldy, şonda ol Torontoda geçirilen ýaryşda awstraliýaly Garbinýe Mugurusa garşy oýunda ýeňlipdi.
Ikinji tapgyrda Barti üstün çykdy. Jemleýji setde Sobolenko 4:4 hasabynda breýk aldy we duşuşygy ýeňiş bilen tamamlady. Duşuşyk 1 sagat 41 minut dowam etdi.
23 ýaşly Sobolenko üçin bu ýeňiş karýerasy boýunça WTA-nyň ýaryşlaryndaky onunjy we möwsümdäki ikinji üstünlik boldy. Ýanwar aýynda ol finalda russiýaly Weronika Kudermetowany ýeňip, Abu Dabide ýeňiş gazandy. Aprel aýynda bolsa Sobolenko Ştutgartda geçirilen finalda oýnap, Bartiden ýeňlipdi.