Türkmenistanyň we Türkiýäniň Prezidentleri telefon arkaly söhbetdeşlik geçirdiler

  • 29.04.2021 13:51
  • 18k+
Türkmenistanyň we Türkiýäniň Prezidentleri telefon arkaly söhbetdeşlik geçirdiler

28-nji aprelde Türkmenistanyň Prezidenti Gurbanguly Berdimuhamedowyň hem-de Türkiýe Respublikasynyň Prezidenti Rejep Taýyp Ärdoganyň arasynda telefon arkaly söhbetdeşlik boldy.

Söhbetdeşligiň başynda Rejep Taýyp Ärdogan türkmen Lideriniň kakasy Mälikguly Berdimuhamedowyň aradan çykmagy zerarly ýene-de bir gezek gynanç sözlerini beýan etdi.
Söhbetdeşligiň barşynda taraplar häzirki wagtda türkmen-türk dostlukly gatnaşyklarynyň hil taýdan täze mazmuna eýe bolýandygyny, bilelikdäki taslamalaryň amala aşyrylmagynyň bolsa döwletara gatnaşyklary has-da pugtalandyrmaga ýardam edýändigini kanagatlanma bilen bellediler.
Şeýle hem Prezidentler Gurbanguly Berdimuhamedow we Rejep Taýyp Ärdogan ikitaraplaýyn görnüşde hem-de abraýly halkara guramalaryň çäklerinde üstünlikli ösdürilýän özara bähbitli hyzmatdaşlygyň esasy meseleleri boýunça pikir alyşdylar.
Döwlet Baştutanlary hyzmatdaşlygy giňeltmek üçin uly mümkinçilikleriň bardygyny belläp, syýasy-diplomatik, söwda-ykdysady we medeni-ynsanperwer ulgamlarda netijeli gatnaşyklary giňeltmek barada pikirlerini beýan etdiler.

Beýik Britaniýanyň parlamentinde Türkmenistanyň DIM-niň ýolbaşçysynyň gatnaşmagynda duşuşyklar geçirildi
şu gün 14:03
825

Beýik Britaniýanyň parlamentinde Türkmenistanyň DIM-niň ýolbaşçysynyň gatnaşmagynda duşuşyklar geçirildi

25-nji fewralda Türkmenistanyň daşary işler ministri Raşid Meredow Merkezi Aziýa ýurtlarynyň daşary syýasat edaralarynyň ýolbaşçylarynyň Beýik Britaniýanyň we Demirgazyk Irlandiýanyň Birleşen Patyşalygynyň parlamentiniň Jemgyýet palatasynyň başlygy Lindsi Hoýl bilen geçiren duşuşygyna gatnaşdy...

Türkmenistanyň DIM-iniň ýolbaşçysy Beýik Britaniýanyň Döwlet goranmak ministri bilen duşuşdy
şu gün 13:58
834

Türkmenistanyň DIM-iniň ýolbaşçysy Beýik Britaniýanyň Döwlet goranmak ministri bilen duşuşdy

Türkmenistanyň daşary işler ministri Raşid Meredow 25-nji fewralda Merkezi Aziýa ýurtlarynyň daşary syýasat edaralarynyň ýolbaşçylarynyň Beýik Britaniýanyň Döwlet goranmak ministri Lord Rodni Kouker bilen geçiren duşuşygyna gatnaşdy...

Dünýäde iň köp ösdürilip ýetişdirilýän oba hojalyk ekinleriniň reýtingi düzüldi
şu gün 12:29
2.2k+

Dünýäde iň köp ösdürilip ýetişdirilýän oba hojalyk ekinleriniň reýtingi düzüldi

Dünýäde şeker çiňriginiň ýygnalyşy tas iki milliard tonna ýetdi, bu bolsa ony planetanyň iň köp öndürilýän oba hojalyk ekini edýär diýlip, BMG-niň Azyk we oba hojalyk guramasynyň (FAO) habarynda aýdylýar. Guramanyň 2024-nji ýyl üçin statistiki maglumatlaryna görä, bu ekiniň ýyllyk önümçilik göwrümi 1,94 milliard tonna deňdir...

Raşid Meredow Londonda Edinburg gersogy şazada Edward bilen duşuşdy
şu gün 12:28
839

Raşid Meredow Londonda Edinburg gersogy şazada Edward bilen duşuşdy

Türkmenistanyň daşary işler ministri Raşid Meredow Edinburg gersogy şazada Edward bilen ikitaraplaýyn gatnaşyklary berkitmek meselelerini maslahatlaşdy. Duşuşyk 25-nji fewralda Beýik Britaniýanyň DIM-iniň Lankaster-haus binasynda boldy...