«Real», «ManSiti» we «Çelsi» Çempionlar ligasynyň ýarym finalyndan mahrum edilip bilner

  • 20.04.2021 12:27
  • 17k+

UEFA 23-nji aprelde «Real», «Mançester Siti» we «Çelsi» klublaryna Çempionlar ligasyna gatnaşmagy gadagan eder. Şol gün UEFA-nyň Ýerine ýetiriji geňeşiniň nobatdan daşary mejlisi geçiriler.

 

UEFA-nyň Ýerine ýetiriji geňeşiniň agzasy Melleriň aýtmagyna görä, mejlisde şu möwsümde Çempionlar ligasyny geçirmegiň ykbaly çözüler.
UEFA-nyň bu garaşylmadyk çözgüdi Superliganyň döredilmegi bilen baglydyr. 19-njy aprelde Ýewropanyň 12 sany top klublary Superliga döredýändikleri barada yglan etdiler. Bu Ligany esaslandyryjylaryň arasynda ady agzalan «Real», «Mançester Siti» we «Çelsi» klublary hem bardy.
UEFA, şeýle hem Halkara Futbol Federasiýasy (FIFA) bu Liganyň döredilmegine garşy çykyp, oňa gatnaşjak klublara çäklendirmeleri girizmegi wada edipdi. Bu ýaryşa gatnaşjak oýunçylar şeýle hem Dünýä çempionatyna we Ýewropa çempionatyna gatnaşmakdan mahrum edilip bilner.
Çempionlar ligasynda «Real» bilen «Çelsiniň» hem-de «PSŽ» bilen «Man Sitiniň» arasyndaky ýarym final duşuşyklary 27-nji aprelde we 4-nji maýda geçirilmelidi. Ýaryşyň finalyny 29-njy maýda Stambulda geçirmek meýilleşdirilýärdi.

 

 

 

şu gün 09:22
643

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

düýn 23:57
2.3k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

düýn 23:17
2.7k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 13:28
6.2k+

Gresiýadaky Olimpiýada 2026-njy ýylyň Gyşky Olimpiýa oýunlarynyň alawy ýakyldy

Gresiýanyň gadymy Olimpiýa şäherinde 2026-njy ýylyň Gyşky oýunlarynyň öňüsyrasynda Olimpiýa alawyny ýakmak dabarasy geçirildi. 2026-njy ýylyň Olimpiýa oýunlary 6-njy fewraldan 22-nji fewrala çenli Milanda we Kortina-d'Ampessoda (Cortina d'Ampezzo) geçiriler...