2002-nji ýylda Olimpiýa çempiony we 2003-nji ýylda Dünýä çempiony bolan norwegiýaly lyžaçy Anders Oakland täze dünýä rekordyny goýdy. 48 ýaşly norwegiýaly türgen lyžada typmakda 41 sagatda 700,5 km aralygy geçdi. Bu barada “Еurosport” habar berdi.
Oakland 10-njy aprelde - şenbe güni ýola düşdi. Şol gün irden ol beýleki lyžaçylar Ýoar Tele we Simen Ostensen bilen bäsleşdi, ýöne ýekşenbe gününiň agşamyna çenli arakesmesiz ýoluny dowam edip, 700.5 kilometr aralygy geçdi.
Türgeniň sözlerine görä, ilkinji gün onuň üçin kän bir kynçylyk döremedi we ol 24 sagatda 420 kilometr ýol geçdi. Şeýle-de bolsa, soňrak güýçli gar ýagyp başlady we öňe gitmegi kynlaşdyrdy.
Oaklendiň pikiriçe, onuň üçin ýoluň iň soňky 10 kilometrini geçmek has kyn düşdi.