Porýe — Makgregor üçünji duşuşygy iýul aýynda geçiriler

  • 05.04.2021 23:59
  • 13k+
Porýe — Makgregor üçünji duşuşygy iýul aýynda geçiriler

Garyşyk başa-baş söweşiň söweşijisi Dastin Porýe UFC bilen promouşeniň iki kategoriýada eks-çempiony Konor Makgregor bilen karýerasyndaky üçünji söweş üçin şertnama baglaşdy.

Amerikaly Porýe UFC 264 turnirinde Konor Makgregor bilen söweşmäge razy boldy diýip, MMA Fighting saýty habar berýär. Muny riafan.ru ýetirýär. Çeşmäniň maglumatlaryna görä, irlandiýaly söweşiji häzirlikçe söweşe diňe dilden razylyk berdi. Söweş 10-njy iýulda bolmaly.
Porýeniň UFC bilen baglaşan şertnamasynyň şertleri entek mälim edilenok. Söweşiň geçiriljek ýeri hem näbelli. Ýöne söweşiň Las-Wegasdan daşary bolmagy mümkin, sebäbi Newada ştatynda COVID-19 pandemiýasy bilen bagly çäklendirmeler ýatyrylman biler.
Porýe bilen Makgregor oktagonda iki gezek duşuşdylar. 2014-nji ýylda bolan birinji söweş irlandiýalynyň birinji raundda nokaut arkaly ýeňmegi bilen tamamlandy. Şu ýylyň ýanwar aýynda geçen ikinji söweşde Porýe ýeňiş gazandy. Ol UFC 257 turnirinde ikinji raundda tehniki nokaut arkaly ýeňdi.

Braziliýada futbol emini bir oýunda 23 sany gyzyl kart görkezdi
düýn 20:53
6.9k+

Braziliýada futbol emini bir oýunda 23 sany gyzyl kart görkezdi

Braziliýanyň «Atletiko Mineýro» we «Kruzeýro» klublarynyň futbolçylary bir oýnuň dowamynda jemi 23 sany gyzyl kartoçka aldylar. «Globo» neşiriniň habar bermegine görä, bu waka Mineýro ştatynyň çempionatynyň final duşuşygynyň ahyrynda ýüze çykan köpçülikleýin dawa-jenjel sebäpli boldy...

Mbappe sürüjilik şahadatnamasyny aldy we özüne BMW iX3 edindi
düýn 15:36
10k+

Mbappe sürüjilik şahadatnamasyny aldy we özüne BMW iX3 edindi

«Real Madridiň» hüjümçisi Kilian Mbappe 27 ýaşynda Madridde sürüjilik şahadatnamasyny aldy. Ol özüniň ilkinji ulagy hökmünde awtomat korobkaly doly elektrikleşdirilen «BMW iX3» modelini saýlady. BMW kompaniýasy Madrid klubunyň hyzmatdaşy bolsa-da, toparyň beýleki oýunçylarynyň arasynda bu modeli Mbappeden başga saýlan ýok...

BBC-iň sanawyna görä braziliýaly Ronaldo XXI asyryň iň gowy hüjümçisi diýlip yglan edildi
düýn 11:48
5.2k+

BBC-iň sanawyna görä braziliýaly Ronaldo XXI asyryň iň gowy hüjümçisi diýlip yglan edildi

Britaniýanyň meşhur BBC agentligi XXI asyryň iň gowy hüjümçileriniň sanawyny taýýarlady. Onuň iň ýokary basgançagyny «towşandiş» lakamy bilen tanalýan braziliýaly Ronaldo eýeledi. Gyzykly tarapy, bu sanawa Kriştiano Ronaldu we Lionel Messi girizilmedi...

«Inter Maýaminiň» eýesi: Messi klubda ýylda 80 million dollara çenli gazanýar
08.03.2026 22:03
5k+

«Inter Maýaminiň» eýesi: Messi klubda ýylda 80 million dollara çenli gazanýar

Dünýä belli argentinaly hüjümçi Lionel Messi «Inter Maýami» amerikan futbol klubunda ýylda 70 milliondan 80 million dollara çenli alýar. Bu barada klubuň eýelerinden biri bolan Horhe Mas Bloomberg agentligine beren interwýusynda mälim etdi...