Aşgabatdaky Welotrek boýunça dünýä çempionatyna 186 ýurtdan türgen gatnaşar

  • 10.03.2021 14:43
  • 13k+

«ARETI» halkara kompaniýalar toparynyň ýolbaşçysy, Halkara welosipedçiler birleşiginiň (UCI) Ýolbaşçy komitetiniň agzasy Igor Makarow Prezident Gurbanguly Berdimuhamedowa Aşgabatda geçiriljek Welotrek boýunça dünýä çempionatyna görülýän taýýarlyk barada habar berdi.

Mälim bolşy ýaly, çempionat şu ýylyň 13-17-nji oktýabrynda geçiriler. Bu abraýly ýaryşy Türkmenistanyň Sport we ýaşlar syýasaty ministrligine Welosiped sporty federasiýasy hem-de Halkara welosipedçiler birleşigi bilen bilelikde guramak tabşyryldy.
I.Makarow ýokary depginde alnyp barylýan işler hem-de döwlet Baştutanymyzyň bu möhüm sport çäresini guramaçylykly geçirmek boýunça ozal beren tabşyryklarynyň ýerine ýetirilişi barada hasabat berdi. Bu ýaryşlara dünýäniň 186 ýurdunyň wekilleri gatnaşar.
Bellenilişi ýaly, guramaçylyk meselelerine uly ähmiýet berilýär. Hususan-da, koronawirus pandemiýasy bilen baglylykda, dünýäde emele gelen çylşyrymly şertlerde Türkmenistana gelýän ähli türgenlere degişli sanjymlaryň edilmegi babatda ýardam berler.
Türkmen tarapynyň başlangyjy bilen «Halkara parahatçylyk we ynanyşmak ýyly» diýlip yglan edilen, Türkmenistan üçin ýubileý ýylynda geçiriljek Welotrek boýunça dünýä çempionatynyň aýratyn ähmiýetini nazara almak bilen, welosiped sportuny hem-de ekologiýa taýdan arassa we daşky gurşaw üçin howpsuz ulag görnüşi hökmünde welosipedi wagyz etmäge ýardam berýän mahabat we düşündiriş işlerine üns güýçlendiriler.

şu gün 09:22
3.9k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

düýn 23:57
3.5k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

düýn 23:17
3.8k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 13:28
6.3k+

Gresiýadaky Olimpiýada 2026-njy ýylyň Gyşky Olimpiýa oýunlarynyň alawy ýakyldy

Gresiýanyň gadymy Olimpiýa şäherinde 2026-njy ýylyň Gyşky oýunlarynyň öňüsyrasynda Olimpiýa alawyny ýakmak dabarasy geçirildi. 2026-njy ýylyň Olimpiýa oýunlary 6-njy fewraldan 22-nji fewrala çenli Milanda we Kortina-d'Ampessoda (Cortina d'Ampezzo) geçiriler...